أريد حلاً … الله لايهينكم

قد يجد البعض أن ما أقوم به شئ من الجنون ( الهبال ) لكنني لا اعتبره جنوناً بل تفاني ومن باب الحرص , لامني كثيراً من الناس على هذا التصرف أخي لايزال يعتمد علينا في تدريسه … ليس لجهل به أو لقلة استيعابه … لأنه لا يذاكر إلا إذا جلسنا بجانبه و مسكنا له الكتاب بالرغم من انه الان سنه اولى جامعه  .. طيب حرصنا عليه و رغبتنا في ان يلتحق بكلية الطب يدفعنا الى أن نكون بجانبه في اوقات المذاكرة و نساعده .. ليحصل على معدل في الجامعة يمكنه من الالتحاق بكلية الطب .. أين تكمن المشكلة ؟
هل تكمن … في ان وصل اخي الى مرحلة لايستطيع بها الاعتماد على نفسه ؟
هل أجرمنا بحقه عندما تمنت امي ان يكون احد ابناءها طبيب ؟
عرفت اين تكمن المشكلة … أشعر بحزن عندما لا أرى أخي يذاكر أو يمسك الكتاب … أشعر بمرارة و تأنيب ضمير لأن أخي لم يحصل على درجة جيده في امتحان ما … لكن الى متى؟
يا خوفي اتركه و يطيح الفاس بالراس .. و اتندم .. إذا فات الفوت ما ينفع الصوت  , يمكن تقولون اضخم الامور .. لكني اكتب الحين و انا ضايق صدري .. وش الحل ؟
شكراً لانكم تفضلتوا وقرأتوا بعض من تفاهاتي .. أرجوا ما أكون ازعجتكم
دمتم بخير

4 تعليقات to “أريد حلاً … الله لايهينكم”

  1. Bznschya Says:

    بالعكس! هذا مو جنون، هذا إن دل يدل على حرص و حب و حنان و برّ بعد 🙂 بارك الله فيج

    أخوج يعتمد عليكم بكل شي ؟ و لا بس بالتدريس ؟ اذا بكل شي يعني شوي خطر الوضع، خاصة انه رجل، ما ودج انه يطلع ليّن و لا ما يعرف يتحمل المسؤولية، و هذا تحتها تدخل أمور كثيرة ! فأنا أنصحج نصيحة، انج تقعدين مع اخوج او تطلعين معاه قعدة أخوية، و أتمنا تكونيين عارفة شلون توصلين للرجل، تراه كائن سهل و ممتع التعامل معاه، بسرعة تحققين الي تبينه ان شالله، ذكريه و شجعيه برجولته و عمره، و قوليله عن اعتماده على نفسه و شلون راح يأثر على كل حياته، و بينيله انج خايفة عليه و هذي أهم نقطة، وقوليله ان ماعندج مانع ادرسينه أصلا، و تستانسين، لكن من خوفج عليه ودج يعتمد على نفسه، و خليها تيي بالتدريب! و نفس الوقت فهميه شنو يعني هالزمن الي ماعنده شهادة جامعية ماعنده حياة و لا له مستقبل، و ينظر له دون المستوى غالبا

    أما بالنسبة للطبّ، منطقياً اذا الولد ماقاعد يدرس بروحه الحين بأول سنة، بيقدر على طبّ؟ ترا طب اذا الرغبة ماكانت 100% او اكثر ماكو فايدة! مو سهل الموضوع كلش ;/ نصيحة، خلوة يختار الي يبيه، لأن اولا راح تتعبون معاه بالتدريس و انت دارسة طبّ؟ راح تقدرين ادرسينه ؟ و لي متى ؟ انت عندكم حياتكم الخاصة و طب ما ينفع مدرسين خصوصين ابداً ! القرار قراركم، وجهة نظري تقول، كلموه و شجعوه و ركزوا انه يعرف نفسه و يحبها و لا تخلونه يروح كلية عشان رغبتكم، لأن هذا اكبر غلط انه مايعتمد على نفسه! يقول اي اهما اختارولي الكلية اهما يدرسوني بعد، و هذا أمر نفسي

    اعتذر عن الاطالة و الله يسهل لكم :)))

  2. 5arbasha Says:

    bznschya:أخوج يعتمد عليكم بكل شي ؟ و لا بس) بالتدريس ؟) .. بس بالتدريسو الله اني اقوله ناس كثيرين يتمنون مكانك في الجامعة لأن صار دخول الجامعه مو بالساهل , ( شهادة جامعية ماعنده حياة و لا له مستقبل) .. و انت صادقه:Dمشكورة أختي على تفاعلج مع الموضوعدمت بود

  3. محمد Says:

    اسمحي لي أقول شيء واحد..

    إذا ما كانت رغبته دراسة الطب-حتى لو كان ذكي- فنصيحة خلوه يتوقف ويرجع يسجل في أي كلية يبيها هو، يعني باختياره

    ضياع سنة وحدة من عمره خير من ضياع سنييييين كثيرة من عمرة..

    أنا شخصياً ضاعت علي سنة من عمري بسبب نفس الموضوع..

    الله يوفقه ويعينكم يارب

  4. 5arbasha Says:

    محمد : انت عارف البير وغطاه .. هو بالحاله انقبل بالجامعه مع انه ( جايب معدل بالثانوي) و لا بعد مو بالرياض بالقصيم وكل نهاية اسبوع جاي عندنا تعرف ماتأقلم على الوضع الى الان .. وكل يوم و الثاني يقول ابرجع .. عاد اقول مادامك دخلت الجامعة امسك عليها :Dدمت بود وشكرا على مرورك

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s


%d مدونون معجبون بهذه: