بشار يا بشار هيا الـ … ؟؟؟

انتهت الاجازة .. حزم اخي امتعته ليعود الى القصيم مقر دراسته هناك … اختي الكبرى اشغلتني بموضوع الزحمة التي سوف تواجهه اليوم عند ذهابه للعمل ( بس لو تشفونا حرصها ما تبي تجي للقسم و في احد جاي قبلها ) , أختي العزيزة ماخذت إجازة العيد كانت مداومة ( تقول الشوارع فاضية وقت الاجازة عشان كذا كانت توصل للدوام بسرعة ياريت المدارس دوم في اجازة .. ) … اختي الصغرى تذاكر مادة يوم الاحد و كالعادة تتذمر من المدرسة ( وكل مرة و الثانية تقول يا حظكم تخرجتوا ما وراكم دراسة , اقولها يا بنت الحلال مثل ما حنا تعبنا اتعبي ) .. أمي ( بعد عمري ) الله يطول بعمرها و يخليها لنا يارب ( عندهم بكره معايد ) طبعاً كل مره على قسم … جا دوري أنا و أعوذ بالله من كلمة أنا من مسكت الوظيفة و انا من اجازة لإجازة مرة إجازة رمضان , مرة إجازة القمة , مره إجازة اضطراري أخذتها قبل إجازة العيد حتى لاتروح علي , فأحس طول هالفترة ماداومت مثل العالم و الناس ( الحين عاد الله الله بالجد و الجد هالله الله عليه ) , ما طول عليكم …. صح نسيت شقة أخوي اللي بالقصيم انسرق العفش اللي فيها بالكامل اللهم سريره و سرير صاحبه .. تفاصيل السرقة تكون في نشرة الساعة الخامسة عصراً بعد ما ارجع من الدوام و ارتاح .. يالله نراكم على خير
اترككم في رعاية الله و حفظه
دمتم بخير

2 تعليقان to “بشار يا بشار هيا الـ … ؟؟؟”

  1. محمد Says:

    ياساتر يارب 😦

    انسرق كل عفشه!!
    والله كاثره هالأيام السرقات بزياااادة

    ننتظر التفاصيل..

    وربي يعينه ويعينكم

    كل عام وأنتِ بخير

  2. محمد الصالح Says:

    أقول Light

    بلغي أخوك السلام .. وقولي له الفدوة لرأسه

    أهم يشد حيله بالدراسة .. وتري المجد ما يجي بالنوم وكل أسبوع جاي عندكم 🙂

    ربي يعينه ويوفقه .. لا تخافين

    ما فيه إنسان يبلغ القمة إلا لما يصعد السلم كله 🙂

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s


%d مدونون معجبون بهذه: