يالله .. من جد ضحكت لما شفت الكاريكاتير .. ذكرني بموقف حصل مره اني كنت ابفتح حساب في أحد البنوك ” احتفظ باسمه لنفسي ” 🙂 , طبعاً كعادة هذا البنك صاحب حفاوة وَ تقدير للعملاء ” العكس صحيح ” وَ خصوصاً من قبل الموظفة اللي قصدتها , طبعاً هذا الكلام كان قبل لا أتوظف بس كان عندي مكافأة الإمتياز . المهم دخلت للبنك وَ أوراقي كامله هذا بالإضافة للمعرف ” لأنهم دائماً يستقعدون لسالفة المعرف ” .. طبعاً راح تسألون من المعرف , المعرّف أخوي عبدالرحمن كان عمره يمكن 16 سنه بس كان عنده بطاقة أحوال . قلت لأخوي ينتظرني بقسم الرجال .. تمام .. سبحان الله ما أدري وش جاني وَ رحت للموظفة صاحبة الحفاوة وَ التقدير ” العكس صحيح ” . جلست , قالت أي خدمه .. طبعاَ الإبتسامه تملؤ وجهها ” العكس صحيح ” .. قلت لها بفتح حساب .. قالت أوراقك .. سلمتها أوراقي .. قالت المعرّف .. قلت بقلبي الحين دخلنا بالجد .. قلت لها أخوي بقسم الرجال اسمه عبدالرحمن …. المهم أجرت إتصال بقسم الرجال لكن الواضح أن الإتصال ما يبشر بالخير .. كيف ؟ .. أخوي ما يصلح معرّف .. ليش … قالت أخوك صغير … قلت لها طيب أخوي عنده بطاقة أحوال ” و الله أني بريئة ” .. الحين تجي الصدمة .. قالت ياسلام كل من عنده بطاقه أحوال صار شئ وَ يصلح يصير معرّف ” اللي عندهم بطاقة أحوال ترا هي اللي قالت مو أنا ” .. أنا تحطمت .. طبعاً أخذت أوراقي وَ طلعت وَ لا راح أفتح بهذا البنك 😦 ..
دمتم بود
This entry was posted on أفريل 22, 2008 at 10:23 م and is filed under Uncategorized. You can follow any responses to this entry through the RSS 2.0 feed.
You can leave a response, or trackback from your own site.
أفريل 24, 2008 عند 10:06 ص |
واش دخل بطاقة الأحوال في المعرف في فتح الحساب!! الحمد لله على العافية بس
يعني بالله اللي ما عندها محارم كبار ما تفتح حساب? اش العقلية هدي
ماي 13, 2008 عند 9:09 م |
الحقيقة يا أختي أن فكرة ( المحرم ) فكرة شرعية أساساً وهي أمر رباني أمرنا به ديننا ، لكن المؤسف أنه أسيء استعمالها فاستغل بعض ضعاف النفوس ذلك للسخرية بديننا !
المرأة ما دامت في المدينة لم تسافر فلها سلطتها المالية وذمتها المستقلة عن غيرها ولا داعي لوجود المحرم أو ولي الأمر .
وفي المقابل لا بد منه في أمر الزواج والسفر لأننا مأمورون بذلك ديناً ، ومن سخر من ذلك فإنه يُخشى عليه وعلى سلامة دينه .
ربي يصلح الحال ..
شكراً لكم ..
ماي 14, 2008 عند 5:17 م |
ههههههههههههه
جرحتيني
قسم بالله انا اللي كنت بوجه المدفع يقولي بكل برود ما تنفع معرف قلت نعم ! قال ما تنفع قلت ليه ؟
مو المطلوب بطاقة احوال بس للمعرف ؟؟!!
ههههههههههه
ماي 14, 2008 عند 11:18 م |
المشكلة ان الناس تأخرت أشغالهم وَ مسؤلياتهم على أساس أنهم ينتظرون ولي الأمر مو موجود وش الحل يا ترى ؟على العموم شاكرة جميعاً مروركماحترامي وَ تقديري لكم
ماي 14, 2008 عند 11:19 م |
a.n.d : خيرها بغيرهاههههههههه