أزمة الصرافات الآلية

بكرة الرواتب (  طيب مو شئ جديد .. وحده فرحانه 🙂 ) يعني أنواع الزحمة عند البنوك وَ الصرافات الآليه يعني إذا كنت عزيزي / عزيزتي  القارئ / ـة  مستعجلين يبغالكم تحجزون دور من الآن عدا ذلك فانتظروا يومين ثلاثة أمداها خفت الزحمة و الضغط على الصراف وَ هذا اللي راح اسويه خصوصاً أني الشهر اللي مضى مريت بأزمة بسبب الصراف _ ما يعلم بها إلا ربنا _ . السالفة وَ ما فيها أني في يوم من الأيام و اللي يصادف يوم استلام الرواتب _ يوم النكبة .. أعوذ بالله _ كنت في مشوار مع والدتي الله يحفظها و اضطرينا نوقف عند أحد الصرافات الآليه لقيناها زحمة , رحنا للثاني لقيناه أزحم وَ أزحم , رحنا للثالث لقيناه أزحم وَ أزحم وَ أزحم , رحنا للرابع لقيناه أزحم وَ .. _ أقول بس عطيتك وجه _ , المهم مسكنا الصرافات _ مسكنا ليست بمعنى أنهم أصبحوا في قبضتنا 🙂 _ من أول الشارع حتى نهايته تعبنا وَ الله تعبنا وَ بسبب التعب قررنا في الأخير الإنتظار عند أحد الصرافات ريثما ينتهي الناس من ملئ جيوبهم , المهم ناس تدخل وَ ناس تطلع  وَ نحن لا نزال ننتظر في السيارة , المشكلة وين يا ترى ؟ المشكلة الرئيسية فينا نحن النساء أننا ما نقدر ندخل وَ نزاحم الرجال عند الصراف خصوصاً إذا كان الصراف صغير وَ نضطر حينها أننا نقف في الشارع _ صعبه مو _ . المشكلة الثانية إذا احترمنا نفسنا وَ جلسنا ننتظر في السيارة يجيك واحد مقلع  _ حلوة مقلع بس لا تعيدينها  مره ثانيه 🙂 _ وَ ما عنده وقت وَ ينزل من السيارة وَ يدخل للصراف بالرغم من وجود شخص آخر وَ ينتظره لحد ما يخلص وَ يجيك الثالث وَ الرابع وَ نفس الحالة طيب يا عالم وَ الناس اللي بالسيارة جماد وَ لا جماد _ يمكن راح تقولون وش يدريهم إن في ناس بالسيارة راح أرد وَ أقولكم سيارتنا ماهي مظللة _ , أنا في ذيك اللحظة طرطعت _ المشكلة اللي خلاني اطرطع زيادة أحسهم اللي ينتظرون كأنهم يقولون ” حره سبقناكم ” _ . في الأخير مالقيت إلا أني أقول للسواق يمسك سرى وَ يخلصني من هالسالفة ..

ومضة : كل شئ السيدات أولاً  _ Ladies First _ إلا في الفلوس العكس صحيح   🙂

دمتم بود

16 تعليق to “أزمة الصرافات الآلية”

  1. محمد الصالح Says:

    هههههههههه

    الله يعينكم والله ..

    شعب ما ينصف الشهر وبالجيب ريال .. لا حول ولا قوة 😦

    لكن فعلاً .. أزمة للحريم .. طيب ليه ما يخلو لكن صرافات لحالكن عشان ما تزاحمون الرجال ؟؟ 🙂

  2. witch Says:

    ألا يوجد صرافات للنساء ؟
    بعض البنوك لدينا توفرها … مريحة و حتى وقت الزحمة كل اللي موجودين حريم بس

  3. 5arbasha Says:

    محمد الصالح : أولاً سعيدة بتواجدك ..

    ثانياً أنا ما أدري متى يجي اليوم اللي تكون فيه جيوبنا مليانه حتى نهاية الشهر ؟

    ثالثاً .. أنا أقترح تقسيمه حلوه للصرافات . و هي بما أن الرجال يسوقون ( و هذي ضريبة ) فهم ياخذون الصرافات اللي عند المحطات و اللي بالشوارع .. يعني ريحتهم ما خليتهم ينزلون من السيارة . أما الصرافات اللي موجودة داخل البنوك أو خارجها فهي خاصة بالنساء … هذي التقسيمة فقط في يوم نزول الرواتب 🙂

  4. 5arbasha Says:

    witch : موجود صرافات آليه داخل الفروع النسائية ليست جميع العمليات تتم فيها هذا واحد , اثنين عند انتهاء ساعات عمل البنك لا يمكنك استخدام هذه الصرافات الآلية .. أتمنى الفكرة وصلت 🙂

  5. AiChA Says:

    انتي ادرى بان الرجال اصبحوا قلة ينعدون ع الاصابع بدليل اننا نجد في هذا الزمان
    أشباه رجال يناشبون الزوجات بالرواتب, يزاحمونهن بالصرافات وبكل مكان عادي ماعاد يفرق معاه بنت ولد طفل صاروا عديمين احساس وشهامه , والحش الله لا يوريك صايرين اردى من الحريم والله ونقل الحكي بعد صاروا اشباه الرجال 10 / 10 فيها ..

    يكفي انهم يبون يطلعون من دواماتهم قبل الحريم الظاهر بيروحون يسوون الغدا لووووووول

    زمن أغبر والله ..

  6. 5arbasha Says:

    AiChA : هدي هدي .. ترى أصابع ايديك مو وحده >> يعني مو كل الرجال نفس العينات اللي عندنا بالدوام .. وسعي صدرك بس من جد شايلة بقوة عليهم 🙂
    على العموم توا ما نور المكان >>> تصريفه 🙂

  7. 5osh wa7ed Says:

    يا اخي و الله مساكين حنا الظاهر حتى الصرافات ناويين تخلونها عوايل 🙂

    شوفي بصراحة انا ما الومك يا اختي العزيزة لكن فيه حل افضل

    صرافات السيارات ؟! <<<بالله كيف مو جبتها 🙂

    و احلى شيء سويتيها يوم خليتي سواقنا المحترم يوقف احسه قعد فترة على ما استوعب انها بالدور و هو كان السبب الرئيسي للتأخير سحبكم للمبلغ 🙂

    دمتي بود خخخخخخخخخخخ <<<وربي استانست عليها عادي ازرفها صح ؟!

  8. أحمد Says:

    بالله لما انزل واحصل سيارة جمبي عند صراف فيها حريم .. وش دراني انهم صافين سرا 🙂 .. يمكن ولدهم نازل ولا اخوهم .. ، غير كذا فيه ناس – مثلي وشرواي- تنزل الصراف ولا عمرها تتلفت في السيارات الواقفة فما يدرون من ينتظر من ماينتظر 🙂

    عموما فيه بنوك تسوي حركات حلوة في صرافات السيارات مثل صراف بنك البلاد اللي مقابل فندق الفيصلية – من السيد الثاي – وهي ان الصراف يكون متجه يمين وليس شمال بحيث ان اللي يستعمله مرافق سائق السيارة .. هذي كويسة وتنفع للعوايل ولا اشوف عليها زحمة بحكم كل اللي يصرفون يختارون الصراف المتاح للجالسين يسار السيارة مكان السائق أو المقعد الذي خلفه

  9. 5arbasha Says:

    5osh wa7ed : لا يفوتك لما نزل و جاء وراه واحد يقوله تفضل تفضل ( طبعاً بالسيرلانكي ) شوي وَ يحلف بعد .. 🙂 _ ترى امزح لا تصدق _
    بعدين يا أخوي تراك اشغلتني بـ دمت بود كم مره قايلتلك هالكلمة حصرية ( يعني حقوق الطبع محفوظة ) تجي و تقول عادي ازرفها .. هزُلت 🙂

  10. 5arbasha Says:

    أحمد : و الله ما أدري وش أقولك انربط لساني ( شلون ما أدري ) .. 🙂

    على العموم صراف البلاد اللي قلته راح اسوي له زيارة ميدانية 🙂 و اشوف وش وضعه يناسبنا نحن معشر النساء و لا لا ..

    دمت بود

  11. 5osh wa7ed Says:

    اما قعد يحلف يبيله نعلمه اصول التعامل مع الشعب السعودي عشان يصير مثلنا وشروانا خخخخخخخخخ

    وبعدين ليه هزلت:(

    طيب خلاص انا بكرا اطلع لي كلمة و تصير حصرية 🙂

  12. 5arbasha Says:

    5osh wa7ed : ترى بكرة عندك دوام أخاف أنك ناسي وَ تبي مين يذكرك 🙂

  13. اقصوصه Says:

    looooooooooooool

    والله مشكلتكم مشكله!!

    طيب ما جربتي تختار اوقات معينه للسحب

    يعني بدلا ما تسحبين بالليل

    تسحبين 2 الظهر مثلا

    ما اعتقد ان هالوقت بتكون المكاين عليها زحمه كبيره اكيد

    تدوينه ممتعه:)

  14. 5arbasha Says:

    اقصوصة : وَ الله يوم الرواتب كل واحد بالليل أو بالظهر .. مافيش فرأ ! الزحمة هيه هيه 🙂
    على فكرة السالفة كانت بالظهر … سعيدة بتواصلك

  15. الإعصار الأحمر Says:

    هههههههههه

    الله يعينكم
    بس بصراحة انا ماشفت زحمة ابداً

    عندنا كل الصرافات فاضية يعني تحصل الواحد فيه سيارة ولالا بالكثير سيارتين
    وبعضها فاضية مرررة مافيها ولا واحد

  16. 5arbasha Says:

    الإعصار الأحمر : ما شاء الله وين هالصرافات دلنا عليها 🙂
    سعيدة بتواجدك

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s


%d مدونون معجبون بهذه: